Strandarlandasamráðingarnar um svartkjaft og norðhavssild í London niðurlagdar

Strandarlandasamráðingar um svartkjaft og norðhavssild hava verið hesa vikuna í London.

Á samráðingunum um svartkjaft legði ICES fram vísindaligu ráðgevingina fyri 2018. Strandarlondini viðgjørdu síðani ymsu málini á dagsskránni og serstakliga langtíðarumsitingarætlanina og mest loyvdu veiðu fyri 2018, eins og eitt nýtt býti fyri 2018 og næstu árini.

Á samráðingunum um norðhavssild tók ICES sína vísindaligu ráðgeving fyri 2018 aftur av tøkniligum orsøkum og kemur ICES væntandi við nýggjari ráðgeving í næstu viku. Sostatt vóru høvuðsmálini á dagsskránni ikki viðgjørd.

Strandarlandasamráðingarnar um svartkjaft og norðhavssild vórðu eftir hetta niðurlagdar og verða tær eftir ætlan tiknar upp aftur í Keypmannahavn seinni í heyst.