Broyting í kunngerðini um tíðaravmarkaðar friðingar av ávísum smáfiskaleiðum v.m. er nú lýst

Johan Dahl, landsstýrismaður í fiskivinnumálum, hevur gjørt av at broyta friðingina av smáfiskaleiðum soleiðis, at leiðin á Mýlingsgrunninum verður latin uppaftur.

Fyrr í ár vórðu leiðirnar inni við land friðaðar fyri øllum vinnuligum fiskiskapi við línu. Samstundis vórðu ein leið eystur úr Fugloynni og ein leið á Mýlingsgrunninum friðaðar fyri øllum vinnuligum fiskiskapi.

Í september varð kunngerðin broytt, so at ein leið afturat vestur úr Mykinesi eisini varð friðað fyri øllum vinnuligum fiskiskapi.

Kunngerðin er nú broytt soleiðis, at friðingin á Mýlingsgrunninum er strikað.

Kort, sum vísa leiðirnar, síggjast á heimasíðuni hjá Fiskiveiðieftirlitinum www.fve.fo

Upprunaliga kunngerðin og kunngerðarbroytingarnar kunnu heintast her:

http://kunngerdasavn.logir.fo/filusavn/Hefti%2027A-2011.pdf (upprunaliga kunngerðin frá juli í ár)
http://kunngerdasavn.logir.fo/filusavn/Hefti%2037A-2011.pdf (kunngerðarbroytingin frá september, har ein leið afturat vestur úr Mykinesi verður friðað, v.m.)
http://kunngerdasavn.logir.fo/filusavn/Hefti%2041A-2011_1.pdf (kunngerðarbroytingin, har friðingin á Mýlingsgrunninum verður strikað)